Back Anglikaanse Gemeenskap AF الاتحاد الأنجليكي Arabic Comunión anglicana AST Англиканско съобщество Bulgarian Iliz anglikan BR Comunió anglicana Catalan Anglikánský svaz církví Czech Y Cymundeb Anglicanaidd CY Den anglikanske kirke Danish Anglikanische Gemeinschaft German
Communio Anglicana (Anglice Anglican Communion) est communio Christiana per totum orbem terrarum diffusa, quae mores suos atque elementa et catholica et reformata coniungit: traditio Catholica imprimis in liturgia ordinibusque sacris praevalet, Reformata in theologia. Ecclesiae Anglicanae se partes "unius Catholicae et Apostolicae ecclesiae"[1] aestimant, traditione theologiaque reformationis Anglicae (et partim Scoticae) coniunctae. Tamen Communio Anglicana reformationem suam non rupturam ecclesiae praereformatae, sed redintegrationem ecclesiae necessariam interpretatur. Inde Communio Anglicana et Catholica et Reformata est, a reformatione quidem propriam traditionem theologiamque sequens. Toto orbe terrarum Communioni Anglicanae circiter 80 000 000 hominum in 385 dioecesibus adhaerent.[2]
- ↑ Secundum Credo Nicaeanum.
- ↑ Vide Anglicans Online | Wondering about Anglicans? Start Here apud www.anglicansonline.org.