Back Ҟрым AB Krim AF Krim ALS ክሪሜያ AM Peninsula de Crimea AN Taurica ANG القرم Arabic قريميا ARY شبه جزيرة كريميا ARZ Crimea AST
CrimaeaCivitas: Ucraina, Russia
Locus: 45°0′0″N 34°0′0″E
Nomen officiale: Крим, Qırım, Крым, Къырым
Fines
Forma
Vita
Crimaea[1][2] (Russice: Крым; Ucrainice: Крим; Tatarice Crimensi: Къырым, Qırım) seu Chersonesus Taurica[1][3][4] est paeninsula in parte septentrionali Ponti Euxini (Maris Nigri), etiam a Palude Maeotide (Mari Asoviensi) et Putrido mari inter septentrionem et orientem alluitur. Isthmo Taurico cum terra continente coniuncta est.
Area huius paeninsulae est circa 26 860 km², quorum 72% planities, 20% montes (in parte meridiana locati) et 8% lacus sunt.
Circa 2.5 decies centena milia hominum in Crimaea habitant. Plus quam demidium illorum ad gentem Russicam pertinet. Ucraini et Tatari Crimenses ibi etiam multi sunt. Maximae urbes Crimaeae sunt Sebastopolis, Sympheropolis, Kertschia, Eupatoria et Theodosia.
Crimaea nunc de facto inclusa est in Russiam, cuius subiecta foederalia in hac paeninsula sunt res publica Crimaea (cuius metropolis est Sympheropolis) et urbs dignitatis foederalis Sebastopolis (in districtum foederalem Meridianum Foederationis Russicae inclusae). Ucraina, quae ad tempus recentissimum Crimaeam tenebat, adhoc eam sibi postulat (de iure sua rem publicam autonomam Crimaeam et Sebastopolim urbem status specialis ibi habens), adiunctionem paeninsulae huius ad Foederationem Russicam illegalem esse putans (quae positio a multis civitatibus sustinetur).
- ↑ 1.0 1.1 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
- ↑ Iohannes Iacobus Hofmannus, Lexicon universale (1698) ~ - tom. I., p. 1016
- ↑ Iohannes Iacobus Hofmannus, Lexicon universale (1698) ~ - tom. IV., p. 357
- ↑ Vilborg, Ebbe, Nordstedts svensk-latinska ordbok. Ed. 2a, 2009.