Back Soekkot AF Sukkot ALS عيد العرش Arabic عيد المظال ARZ Свята кушчаў BE Сукот Bulgarian Soukot BR Sukkot Catalan Sukot CEB Sukot Czech
Feriae Tabernaculorum (Hebraice סֻכּוֹת - Sukkot, forma pluralis verbi סֻכָּה - Sukka, Latine "trichila", "tabernaculum"), ad ferias Iudaicas pertinent. Sollemnitas autumno, quinque dies post Diem Expiationis, per septem dies celebratur, a die 15. ad diem 21. Tishri (i.e. mense Septembri vel Octobri), primo calendarii Iuaici civilis mense. Ultimus feriarum Tabernaculorum dies הושענא רבה (Hoshana Rabba = „age, opem fer!“) appellatur et ultimus dies habetur, quo iudicia Dei de proximo anno mutari possint. Sub Ferias Tabernaculorum sequuntur שְּׁמִינִי עֲצֶרֶת (Shmini Azeret = "dies octavus congregationis") et שִׂמְחַת תּוֹרָה (Simchat Tora = „gaudium praecepti [Domini]“).