Back Hermes AF Hermes ALS Hermes AN هرمس Arabic هيرميس ARZ হাৰ্মিচ AS Hermes AST Hermes AZ Гермес BA Hermes BAR
Vide etiam paginam discretivam: Hermes (discretiva).
Hermes (Graece Ἑρμῆς; Latine Mercurius) in mythologia Graeca est nuntius legatusque deorum et ipse deus mercatorum, furum, oratorum, nuntiorum[1]. Dios Maiaeque filius est, qui gigantem Argum necavit; adest in carminibus Homeri, et filium nomine Daphnim habet. Aetate proximus a postremo est deorum dearumque Olympicorum. Hermes etiam finium transituumque est deus. Celer, agilis, callidus inter orbes divorum et mortalium libere movetur.