Ludovicus Arce

Ludovicus Arce, vulgo plene Luis Alberto Arce Catacora (in urbe Pacensi die 28 Septembris 1963 natus) est politicus Boliviae. Filius praeceptorum, alumnus est Universitatis Maioris Pacensis Divi Andreae universitatisque Warwicensis in Anglia. In patriam reditus apud Argentariam Centralem Bolivianam operam dedit. Suadente praeside Evo Morales, minister vectigalium a die 23 Ianuarii 2006 usque ad 24 Iunii 2017, iterum a 23 Ianuarii 2019 ad 10 Novembris 2019 operam dedit. Morales ab officio praesidis deiecto, regimine conservativo Ioanninae Áñez vigente, Arce in Mexicum fugit, ubi eum Morales successorem suum proposuit. In patriam reditus, comitiis victor, praeses electuis est et die 8 Novembris 2020 hoc officium suscepit.