Satrapes

Sătrăpes (-ae, m.), sătrăpa (-ae, m.) aut sătrăps (-is, m.) (Graece: Σατράπης, Lingua Persica antiqua: xšaθrapāvā, i.e. 'provinciae protector', Lingua Persica media: šahrab) fuit procurator provinciae in imperiis Medorum Persarumque, tam Achaemenidarum quam Seleucidarum, Parthorum et Sassanidarum. Satrapae potestas et regio cui satrapa praeest satrapīa aut satrapēa (Graece: Σατραπεία) appellatur.

Medio aevo latine scribentes satrapam dixerunt legatum et ducem et principem et regem (sc. imperatori subditum).^[1]