Back Les suplicants Catalan Die Schutzflehenden (Euripides) German Ικέτιδες (Ευριπίδη) Greek The Suppliants (Euripides) English Las suplicantes (Eurípides) Spanish فریادخواهان (اوریپید) FA Turvananojat (Euripides) Finnish Les Suppliantes (Euripide) French Meyjar í nauðum (Evripídes) IS Le supplici (Euripide) Italian
Vide etiam paginam discretivam: Supplices.
Supplices (Graece Ἱκέτιδες) est tragoedia quae Euripides circa annum 423 a.C.n. docuit. Quamquam Phoenissae eiusdem tragici poetae post magis quam decem annos scriptae sunt tamen haec fabula velut illarum continuatio videri potest. Nam interfectis sub Thebanis moenibus septem ducibus Argivorum eorum matres filiorum corpora reciperare volentes in Atticam venerunt a rege Theseo auxilium petitum. Ita Athenas et Atheniensium avitam erga miseros et profugos peregrinos benevolentiam necnon eorundem pietatem erga deos extollere poetae libuit. Haec tragoedia in qua Theseus democratiam et aequa civium iura laudat inter politicas[1] tragoedias ponenda est.
- ↑ Alfonso Flórez Flórez, "La tragedia prueba la democracia. Una reflexión desde las Suplicantes de Esquilo y de Eurípides", Universitas Philosophica, 2014ː 17-38. G. Zuntz, The political plays of Euripides, Manchester University Oress, 1955 Recensio critica.