Back عوديات Arabic Llaúd AST Lyutnya AZ Лютня BE Лютня Bulgarian Llaüt Catalan Loutna Czech Liwt CY Lut Danish Laute German
Vide etiam paginam discretivam: Testudo (discretiva).
Testudo est chordophonum cuius nervi a resonante corpore aeque distantes intenti sunt.
Omnes fere gentes antiquitatis testudinibus uti solebant. Aegyptii testudinem nefer appellaverunt ('pulchra'), Persae sitar (tribus nervis affectam), Graeci chelyn vel barbitum, Romani testudinem secundum corticem testudinis, Arabes tandem al-ud 'lignum' referentes ad pecten ligneum quo fidem moderabantur.
Nomen arabicum al-ud saeculo undecimo in Europam translatum in multis linguis Europaeis exstitit ad hodiernum diem: laúd (Hispanice), Laute (Theodisce), liuto (Italiane), loutna (Bohemice), lute (Anglice), luth (Francogallice).
Hic commentarius ad testudinem occidentalem pertinet, quae a saeculo XI ad XVIII in Europa Occidentali florebat.