Back Tesmofòries Catalan Thesmophorien German Θεσμοφόρια Greek Thesmophoria English Tesmoforias Spanish تسموفوریا FA Thesmoforia Finnish Thesmophories French Tesmoforias GL תסמופוריה HE
Thesmophoria (Graece Θεσμοφόρια; θεσμός 'ordo divinus, ius quo hominibus terram curandumst') fuerunt feriae in urbibus Graecis antiquis in honorem Demetri filiaeque Persephonae habitae. Athenis per tres dies, 11-13 mensis Pyaniopsii qui instar mensis octobris erat tum cum sementes fiebant, celebrabantur.
Inter Thesmophoria fuerunt feriae latissime habitae et principalis cultús Demetris demonstratio praeter Mysteria Eleusina. Thesmophoria tertiam anni partem commemoraverunt cum Demeter sua persona messis et auctus deá abstineret, per acerbos aestatis Graecae menses, vegetatione mortua pluviaque absente, filiae in inferno inclusae dolorem adferens. Manifesta feriarum proprietas fuit porcorum sacrificium: "Ossa porcorum, porci votivi, et terracottae, quae vota religiosa vel deam ipsam porculum in manibus tenentem depingunt ubique sunt archaeologica fanorum Demetris signa"[1] (Burkert 1985:242).