Back Jagong ACE Mielie AF Mais ALS በቆሎ AM Zea mays AN Àkpà ANN मक्का ANP ذرة شامية Arabic دره ARZ Zea mays AST
Zea mays[1] (binomen a Linnaeo anno 1753 statutum), Latinitate communi zea[2] seu maizium[3] (Hispanice maíz, a lingua Taino mahiz), est gramen familiae Poacearum, frumentum ab Indis in Mexico australi temporibus praehistoricis, abhinc annorum 10 000 fere, primum excultum.[4][5] Foliaceae plantae caulis inflorescentias pollenaceas separatasque inflorescentias ovuliferas (spicas) parit, quarum nuclei sunt semina. Maïzium una e poalibus est quae in photosynthesi via metabolica C4 utitur ad evaporationem cavendam.
Nuclei, botanice fructus habita,[6] ut holus vel amylum in arte coquinaria adhibentur. Olmeci et Maiae permultas varietates maizii, et molitas et per nixtamalizationem commutatas, coquere solebant. A medio fere millennio tertio a.C.n., maizium per multum Americae excolebatur.[7] Tota regio retia commercii condidit in residuo et varietatibus messium maizi posita. Exeunte saeculo XV ineunteque XVI, cum America ab Europaeis colonizata esset, exploratores mercatoresque maizium ad Europam importabant, quod in alias civitates introducebant. Cultura maizii ad cetera quoque loca mundi extensa est, quod sub diversis caelis crescit. Varietates saccharo plenae, maizium dulce appellatae, pro cibo humano usitate excoluntur, dum varietates maizii agrestis pro victu animalium sunt. E granis Zeae maydis varietatis evertae maizium inflatum praeparatur.
Maizium ad usus plures per confectionem nixtamal(en) paratur. Mesoamericani varias potiones et pultes e maizio faciunt, inter quas balché, posolli(en), atolli(en), pinolli(en).[8]
- ↑ Mays, gen. maydis: cf. nomen fungi Ustilago maydis
- ↑ "Unicum zeae granum edes": Codex Chimalpopoca cap. 13.
- ↑ Traupman, Iohannes. [2003]. Colloquia Latine Exercito Orali, editio tertia (Anglice: Conversational Latin for Oral Proficiency, Third Edition.). pp 71, 297. Vauconda, IL: Editores Bolchazy-Carducci. ISBN 086516438X. "Maiza": Carolus Egger, ed., ed. (1992, 1997). Lexicon Recentis Latinitatis. Urbis Vaticanae: Libraria Editoria Vaticana ISBN 8820917319 (vol. I: A-L), ISBN 8820922398 (vol. II: M-Z), vol. II, p. 13, s.v. mais..
- ↑ The Evolution of Corn (University of Utah Health Sciences).
- ↑ B. F. Benz (2001), "Archaeological evidence of teosinte domestication from Guilá Naquitz, Oaxaca," Proceedings of the National Academy of Sciences 98 (4): 2104–06. doi:10.1073/pnas.98.4.2104, PMID 11172083, PMC 29389. Bibcode =2001PNAS...98.2104B.
- ↑ "Please settle a dispute. Is sweet corn a vegetable or a grain? What is the difference? How about field corn?" eXtension (USDA National Institute of Food and Agriculture, New Technologies for Ag Extension project.
- ↑ Roney 2009: 4.
- ↑ Coe (1994) pp. 117-119, 132-140