| Alfred Kowalsky | |
|---|---|
 | |
| Gebuer |
6. Mäerz 1879 Pafendall |
| Gestuerwen |
14. Mee 1943 Metz |
| Nationalitéit | Lëtzebuerg |
| Aktivitéit | Komponist |
 | |
Den Alfred Kowalsky, gebuer de 6. Mäerz 1879 am Pafendall, a gestuerwen de 14. Mee 1943 zu Metz, war e lëtzebuergesche Komponist. Hien huet ë. a. d'Musek fir d'Oper Griselinde geschriwwen.
Nodeem 1923 eng Entente vun Escher Veräiner, wéi d'Harmonie municipale, de Cercle symphonique, d'Alliance Française an den Uelzecht-Chouer d'École de musique d'Esch-sur-Alzette als Coopérative gegrënnt haten, huet am August 1926 d'Gemeng Esch déi Museksschoul iwwerholl a se an École municipale de Musique ëmgedeeft. Den Alfred Kowalsky, deen Uergel zu Paräis beim Charles-Marie Widor studéiert hat, a Kompositioun beim Richard Strauss zu Berlin, gouf Direkter.
An Pafendall dréit eng Strooss säin Numm.