Dicht

Physikalesch Gréisst
Numm	Massendicht
Formelzeeche vun der Gréisst	${\displaystyle \rho }$
Gréissten- an Eenheetesystem Eenheet Dimensioun SI kg·m−3 M·L−3
Kuckt och: Spezifescht Gewiicht, Relativ Dicht (spezifesch Dicht), Spezifesche Volumen

D'Dicht (méi genee: Massendicht) vun engem Kierper ass d'Verhältnes vu senger Mass zu sengem Volumen. Si gëtt zum Beispill a Gramm pro Kubikzentimeter oder Kilogramm pro Liter uginn. Bildlech gesot beschreift si, ob de Kierper fir seng Gréisst liicht wéi eng Plomm oder schwéier wéi Bläi ass.

Wann een e Kierper, dee gläichméisseg aus dem selwechte Material zesummegesat ass, zerdeelt, da kritt een Deeler mat anere Massen, anere Formen an anere Gréissten. Awer d'Verhältnes vun der Mass ${\displaystyle M}$ zum Volumen ${\displaystyle V}$, d'Dicht

${\displaystyle \rho ={\frac {M}{V}}\,,}$

huet bei den Deeler de selwechte Wäert wéi bei dem ufängleche Kierper. D'Dicht ass eng fir d'Material vum Kierper charakteristesch Eegenschaft, déi vu senger Form a Gréisst onofhängeg ass.

Mat -dicht zesummegesate Wierder bezeechnen och aner Gréissten, déi op d'Volumen, heiansdo awer och op eng Fläch, eng Längt, e Frequenzintervall oder Aneres bezunn ginn.