Nordmier

D'Nordmier (aus Analogie zum Däitschen och dacks Nordséi genannt) ass e Mier am Nordweste vun Europa, dat sech op enger Fläch vun ongeféier 575 000 km², ausbreet.

Länner, déi un d'Nordmier grenzen:

• d'Vereenegt Kinnekräich (Groussbritannien, d'Shetlandinselen an d'Orkaden) am Westen;
• Frankräich, d'Belsch, Holland an Däitschland am Süden;
• Dänemark an Norwegen am Osten.

Et kënnt zesumme mam:

• Äermelkanal um Pas de Calais am Südwesten;
• Baltesche Mier (oder Ostséi) am Skagerrak oder iwwer de Kanal vu Kiel am Osten;
• Atlanteschen Ozean am Norden.

Am Nordmier ass en héije Passage vu Schëffer; et gëtt do Pëtrol ofgebaut a Fëscherei bedriwwen.