 |
De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
|
Dësen Artikel beschäftegt sech mat de Medieprodukter mam Numm "Privat". Fir déi allgemeng Bedeitung vu "privat", kuckt wgl. Privat. |
.gif)
Privat sinn däitschsproocheg Medie vum lëtzebuergescher Presse-Verlag Groupe Nicolas a bestinn aktuell aus enger Wochen- an enger Online-Zeitung, wéi och engem Web-Radio an -TV.
Bis den Abrëll 2011 waren déi Medien ënner dem Numm Lëtzebuerg Privat bekannt, dunn ass bei alle Produkter vum Presse-Verlag Groupe Nicolas den Zousaz "Lëtzebuerg" ewechgelooss ginn. De Verlag Groupe Nicolas ass déi drëttgréisst Pressegrupp am Groussherzogtum hanner Saint-Paul Luxembourg an Editpress, an als eenzeg Pressegrupp zu Lëtzebuerg net am "Conseil de Presse"; si schafft och net mat dem "Service d'Information et Presse" zesummen.[1] Zur Grupp gehéieren am Moment: D'Wochenzeitung Privat, d'Online-Zeitung LuxPrivat.lu, de Web-Radio Radio-Privat, d'Web-TV Privat-TV, d'Promi-Magazin Promi an d'satiresch Zeitschrëft d'Wäschfra.
Den 30. Mäerz 2011 huet d'Grupp eng Aktioun mat dem Numm "Fir eng Fräi Press zu Lëtzebuerg! Géint Zensur!" gestart.[2]
- ↑ Lëtzebuerg Privat, Ausgabe 90, Seite 19, Artikel "Lëtzebuerg Privat gewinnt zweimal vor dem Presserat"
- ↑ Aktion für Pressefreiheit Archivéiert de(n) 05.04.2011. Gekuckt de(n) 22.11.2011.