Antropologie

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

Antropologie is de sjtudie of lier van de minsj. Dees sjtudie hilt zich bezig mit alle luuj én mit alle dimensies van de minsjelikheid. In de modern antropologie sjtit 't begrip dat de minsjelike aard 'cultuur' is centraal. Angesj gezigk, dat oos soort de capaciteit haet ontwikkeld óm ozze wèlt in symbole te zeen, en dat veer de wèlt (en ószelf) op basis van dergelike symbole kinne transformere.

Antropologie weurt euver 't algemein in veer gebede óngerverdeild:

1. Fysische antropologie of antropobiologie, besjtudeert de minsj as biologisch organisme, 't gedraag van primate en minsjelike evolusie.
2. Taalkunde, besjtudeert de variasie in taal doer tied en ruumte en ouch 't sociaal gebroek van taal en de relasie tusje taal en cultuur (zuuch ouch conceptueel analyse);
3. Archeologie, besjtudeert de materiaal euverbliefsele van minsjelike samenlaevinge en
4. Cultureile antropologie (vreuger 'volkerkunde' of 'etnologie') besjtudeert 't sociaal gedrag, de economische sjtructuur en de religie van völker en bevölkingsgroop. In de Vereinigde Sjtate weurt de term 'cultural anthropology' väöl gebroek, in Groet-Brittannië de term 'social anthropology'.

Dit zien de antropologe die 'n artikel op dees Wikipedia höbbe:

• Partha Chatterjee
• Igor' Semënovič Kon
• Hans van Laar
• Ton Lemaire
• J.J. Voskuil
• Huang Xianfan