Back Europese Parlement AF Europäisches Parlament ALS Parlamento Europeu AN البرلمان الأوروبي Arabic لبرلمان لؤروپي ARY Parllamentu Européu AST Avropa Parlamenti AZ Еўрапейскі парламент BE Эўрапейскі парлямэнт BE-X-OLD Европейски парламент Bulgarian
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Europees Parlemint, 't EP of 't Europarlemint (Nederlands: het Europees Parlement, Duits: Europäisches Parlement, Frans: Parlement européen, Ingels: European Parliament) is de einsegse direk door de EU-börgers gestömde instèlling vaan de Europese Unie. Same mèt de Raod vaan de Europese Unie (ieder de Raod vaan Ministers) en de Europese Kemissie heet 't de legislatieve mach. In de viefteger jaore, wie 't Parlemint nog meh zjus bestoont, waor 't veural nog 'n adviserend orgaon, wijl 't allewijl op versjelende terreine 'n veurnaom legislatieve mach heet. 't Parlemint besteit oet 705 parlemintsleije (ouch wel Europarlemintariërs). 't EP heet 't groetse electoraot op Eerd op 't Parlemint vaan India nao.
De leie vaan 't Europees Parlemint weure edere vief jaor direk verkoze via algemein keesrech. Evels gief 't eder termien 'n lieger persentaasj aon lui die nao de stömbusse gaon. Wie 't in 1979 nog 63% persent vaan de Europeane goof die gónge stömme, waor 't in 2012 nog meh 42,54%. De meis recente Europese verkezinge waore georganiseerd in mei 2014. Allewijl, sinds 3 juli 2019, is David Sassoli (S&D) veurzitter vaan 't Europees Parlemint.
't Parlemint is officieel op drei plaotse gevesteg. Veur 't groetse gedeilte vaan d'n tied is 't parlemint in de Espace Léopold in Breusel. Eine kier in de maond verhojs ederein nao 't Louise Weiss-gebouw in Straotsbörg umtot 't Verdraag vaan Roeme garandeerde tot Fraankriek ziene gedeilde zedel veur Europese hoofstad neet zaw verleze. De Sekreteriaot-ginneraol vaan 't Europees Parlemint is in Luxembörg, dee al sinds 15 miert 2009 weurt bekleid door Klaus Welle (EVP).
't Europees Parlemint woort opgeriech es d'n Algemeine Vergaojering vaan de EGKS op 10 september 1952. Zie transformeerde in e parlemint mèt volweerdeg Europees verkiezinge vaan 7 bis 10 juni 1979. Pas mèt 't Verdraag vaan Lissabon, wat vaan krach góng op 1 december 2009, kroog 't Parlemint de volweerdege mach vaan 'n legislatieve mach. Sinds deen daag steit 't Parlemint op gelieke voot mèt d'n Europese Raod (de instèlling mèt nationaol leiers).