Kolonie (staotkundeg)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

'n Kolonie^[1] of Colonie^[2] is 'nen term dee in de polletieke weitesjappe zoeväöl meint es 'n territorium wat door boetelenders weurt geregeerd.^[3] 't Stiechte vaan kolonies steit bekind es kolonisatie. 't Veurstendersjap veur 't opriechte en/of behawwe vaan kolonies weurt kolonialisme geneump. Dees ideologie weurt euver 't algemein gezien es deil vaan 't modern imperialisme. De formelen term veur eine dee in 'n kolonie hojs is 'ne koloniaol.^[4] Veur koloniaole oet Oos-Azië, mèt naome Indonesië oonder Nederlands heersjap, woort veurger ouch dèks 'nen informelen term gebruuk: 'nen oosgenger.^[5] Door moyen vaan dominantie vaan koloniserende len blieve kolonies administratief gesjeie vaan 't koloniserend land (wat ouch-wel de metropolitaonse staot genump weurt en informeel ouch 't "mojersland").^[6] Dit is dus gaans aanders es de situatie boe-in Nederlands Limbörg deil woort vaan Nederland en dus gans en al, ouch in terme vaan börgerrechte, Nederlands gebeed woort (gein kolonie dus).

D'n term "kolonie" kump vaan 't Latien, um percies te zien oet 't Roemeins Riek, boe d'n term colonia woort gebruuk veur nui groondgebeed. Colonia kaom daan weer vaan 't Aajdgrieks apoikia, wat "wied eweg vaan hoes" meint.^[7]

[1] r op 't Nederlands en Duits

[2] r op 't Frans

[3] ttps://en.wikipedia.orgview_html.php?sq=crain_ford&lang=li&q=Colony

[4] ttps://www.mestreechtertaol.nl/dictionair/nld/koloniaal/2/

[5] ttps://www.mestreechtertaol.nl/dictionair/nld/koloniaal/3/

[6] ttps://en.wikipedia.orgview_html.php?sq=crain_ford&lang=li&q=Colony

[7] ttps://en.wikipedia.orgview_html.php?sq=crain_ford&lang=li&q=Colony

[1]

[2]

[3]

[4]

[5]

[6]

[7]