Marxisme

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

't Marxisme is de sociaal-theoretischen en politiek-filosofische gróndjslaag veur väöl modern sociaal ideeje, sjoealen en dinkrichtinge, gegróndj oppe ideejen en dinkbiljer van Karl Marx en Friedrich Engels. Bepirk toet 't politiek-ideologische vörmp 't marxisme de gróndj veur 't modern socialisme en communisme.

Dees ideejen en dinkbiljer boedje veurt op drie groeate ideologische struiminge vanne neugetieëndjen ieëf: de Duutsj filosofie (veural de dialectiek van Georg Wilhelm Friedrich Hegel), de klassieke Ingelse politieke economie en 't Frans socialisme in kómbinaasje mit Franse revolutionair doctrines. Oet dees struiminge haoldje Marx en Ingels 't modern "weitesjappelik socialisme".

't Marxisme inspireerdje ónger anger Lenin toet 't opzètte vanne ieëste "proletarische revolutie" inne gesjiechte, de Oktoeaberrevolutie in Röslandj (1917). Daomit woort Röslandj de ieëste "dictatuur van 't proletariaat" ennen ieëste socialistische staot ("socialistisch" inne beteikenis die Marx dao-aan gegaoven haw).

Ouch de Sjinese revolutie van 1949, de Cubaanse Revolutie en versjillige revoluties in Zuud-Amerika woorte geplach inne naam van 't marxisme.