Tokio

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

de Seimon Ishibashi-brögk mèt op d'n achtergroond 't keizerlek paleis

Tokio is de hoofstad en ein vaan de 47 prefecture vaan Japan. Tokio heet wel 12,4 miljoen inwoeners; de conurbatie Tokio heet 'rs nog mie. Es zelfstendege prefectuur is Tokio technisch gezeen gein stad; de bestuurleke indeiling besteit oet 23 zelfstandege stadswieke, 26 groeter stei, 5 klein stei en 8 dörper. De wieke vörme same Tokio in inge zin, de prefectuur Tokio in breie zin (Tokio-to).

Tokio is ein vaan de drökste stei op Eerd; al 't economisch verkier in Japan is aofhenkelek vaan dees stad, die nao d'n Twiede Wereldoorlog oongewoen snel gegreujd is. Ouch is Tokio de residentie vaan de Japanse keizer en de Japanse regering.