De jure

Articul per Ladin Gherdëina

Te la lege y l guviern vën la parola de jure (latin: dē iūre, pronunzià [deː ˈjuːrɛ], let. 'per lege') adurveda per descrì na pratica o situazion che ie aldò de la lege, unfat sce l ie nsci nce te la realtà o nia.^[1] Chësta parola vën adurveda a cuntrast cun de facto ("de fat"), che descrij zech che ie te la realtà, unfat sce l ie ufizielmënter recunesciù da na lege o nia.^[2]

Adurveda vën chësta parola per ejëmpl pra cunflic nternaziunei, ulache na pert de n stat se destaca o vën cuntruleda da n auter stat, ma chësta situazion ne vën nia recunesciuda nternaziunalmënter. A chël pont toca chël raion de jure pra un n stat y de facto pra n auter.

1. ↑ "de jure". Dictionary.com. Dictionary.com, LLC. Trat ite ai 11 July 2016.
2. ↑ "Definition of 'de facto' adjective from the Oxford Advanced Learner's Dictionary". OxfordLearnersDictionaries.com. Oxford University Press. Trat ite ai 11 July 2016.