Back Jauer (Sprache) German Jauer dialect English Jauer LA Jauer Portuguese Jauer RM Jauer (dialekt) Swedish
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Jauer l'è 'l dialet rumancc che 'l ven parlaa tradiziunalment in la Val Munastee 'me lengua magiuritaria. El sò nom el ven dal son "jau", una carateristiga de la Val Munastee e del paes de Zernez (Bassa Engadina) in la furma "jo". In del rest de l'Engadina dröven "eu" o "eau". I abitant de la Val Munastee han 'me nom ils jauers", ciuè quei che se ciamen "jau".
El jauer l'ha mai svilüpaa una lengua de scritüra. In di scoll, fina a l'an 2008, el veniva insegnaa dumà el vallader. Dal 2009 pö la ven druvada la lengua ünificada del Rumantsch Grischun per i ducüment scrit, cumünicaziun de l'aministraziun e in la scola.
In del 2007 el ven föra el prim codes scrit per el jauer, cul liber Dschon Uein id atras istorias grischunas (ciuè John Wayne e alter stori grisonn) del sciur Plinio Meyer. El liber l'è staa pübligaa 'me audiuliber legiüü da Plinio Meyer medem.