Silvio Berlusconi

Silvio Berlusconi (* 29. September 1936 in Mailand, Italien; † 12. Juni 2023 in Segrate/Mailand^[1]) weer en italienschen Politiker, Ünnernehmer un Medien-Tycoon. Berlusconi weer van 8. Mai 2008 bit 12. November 2011 Ministerpräsident vun de 58. italieenschen Regeren.

Mit Ünnerbreken weer he vörher al twee Amtsperioden, neemlich de 51. un de 57. italieenschen Regeren siet Grünnen vun de Republiek, Ministerpräsident. Butendem hett he övergangswies ok al de Ämter vun’n Buten- Weertschops- un Gesundheitsminister utöövt. He is de Grünner vun de Partei Forza Italia un bito ok Vörsitter vun dat Parteien-Bündnis Popolo della Libertà. Blangen de Politik is he as Ünnernehmer de Besitter vun den Konzern Fininvest. Mit en Vermögen vun ruchweg 9,4 Milliarden US-Dollar is he luut Angaav vun’t Forbes Magazine een vun de rieksten Lüüd vun Italien.

1. ↑ Rai News: È morto Silvio Berlusconi. Al San Raffaele il fratello Paolo e i figli. Afropen an’n 12. Juni 2023.