Back Nederfrankies AF Luengas baixofrancas AN Niðere Franconisc sprǣc ANG لغات فرانكونية دنيا Arabic Llingües baxofranconies AST Ніжнефранкскія мовы BE Yezhoù frankek izel BR Baix fràncic Catalan Niederfränkisch German Low Franconian English
t Nederfrankies is n dialektgroep met West-Germaanse Nederduutse taalvariëteitn, woar o.a. t Hollaands, Utrechts, West-Vloams, Oost-Vloams, Zuud-Gelders en t Broabaants oonder valn. Nederfrankiese dialektn wördn dus vuural sprökn in t zuudn en westn van Nederlaand en in Vlaandern en in t westn van Duutslaand (in noordelik Rienlaand, namelik in de Nederrien, in t noordn van de Benrather Linie). Ok t Limbörgs, alhoowal t pas as zölfstaandige strektaal anerkend is, beheurt vuur n groot deel töt t Nederfrankies en vörmt doarvan saamn met t Zuud-Gelders en t Nederriens de Maas-Rienlaandse groep.
In Duutslaand broekn ze meesttieds de term Südniederfränkisch vuur t Limbörgs en de doaran verwante dialektn in t noordelike Rienlaand, de Nederrien. In de Nederlaandse taalkunde neumt ze dizn dialektn Zuudoost-Nederfrankies, dervan oetgoand dat t Nederlaandse taalgebeed in oaverwegnde moate de opvoalger is van t Nederfrankiese.
Wieder mag ok t Afrikaans van Zuud-Afrika töt t Nederfrankies wördn reaknd. Oet dizn dialektgroep bint t Niejnederlaands (16e en 17e eeuw) en t Afrikaans oontwikkeld en nog later t Standaardnederlands. De oaldste fase wördt t Oaldnederfrankies of Oaldnederlaands neumd. De doaropvoalgnde heet Middelnederlaands, mangs ok wal Diets neumd.