Mit de Tielerweerd wöd dat deel van et Gelderse revierengebeed de Betuwe (in Nederlaand) an-eduud dat in et noorden wöd begrensd deur et reviertjen den Linge, in et westen et darp Tuil en in et zuden deur de reviere den Waal. De Tielerweerd geet in noordeleke richting oaver in de Nederbetuwe, in zudeleke richting oaver in de Bommelerweerd, en in westeleke richting in de Viefheerenlanden.
In de late middeleeuwn was de streake mit heure klosters enege tied in trek bi-j völle leu under de hoge christeleke geesteleken as plaatse van geesteleke bezinning. Dit wöd noe veural too-eskreaven an de in dee tied ni-je politieke hervormingen binnen et hartogdom Gelre, dee gunstig waren veur de geesteleken. (Denke hierbi-j an et pakt van Tiel.) Rundumme 1500 was doar neet veul meer oaver en verkos de geestelekheid Braobant en veurnamelek Utrecht as heure religieuze uutvalstee.
Bekende plaetse in dizze streake bunt Tiel en Geldermalsen. De streake is nogal dunbevolkt en oaverweagend boers van kenmark mit vee- en fruutteelt. Bekend is de streake ok um heuren appelwien. Dizzen wödt deur heure bewonners leefkozzend uns wijne eneumd.
| Gelderse gebieden |  | |||||
|---|---|---|---|---|---|---|
|