Back Suidelike Oseaan AF Südlicher Ozean ALS ደቡባዊ ውቅያኖስ AM Oceano Glacial Antarctico AN Suþgarsecg ANG दक्षिणध्रुवीय महासागर ANP المحيط المتجمد الجنوبي Arabic ܐܘܩܝܢܘܣ ܬܝܡܢܝܐ ARC لمحيط لمجمد لجنوبي ARY দক্ষিণ মহাসাগৰ AS
De Zudelike Oceaan, Antarktische Oceaan, Zuudpoolzee of Zudelike Ieszee is een aordig ni'je term veur de oceaan rondom Antarktika henne. De oceaan lop van Antarktika tot an 60 graoden zuderbriedte, of tot an de Antarktische konvergentie, een oceaankontrei die mit et seizoen op-en-daele gaot.
In de Zudelike Oceaan vermengen de kolde, noordwaarts stromende waeters van et Antarktische gebied heur mit de warmere subantarktische waeters. Eerder, en deur sommige eerdriekskundigen nog altied, wodden disse oceaan eziene as de zudelike gedieltes van de doedestieds roemer edefinieerde Indische Oceaan, Atlantische Oceaan en Grote Oceaan.
Van de vuuf oceanen is de Zudelike Oceaan de vierde in grootte. Een bulte zeeën maeken diel uut van de oceaan; de grootste daorvan bin de Weddellzee, de Somovzee en de Riiser-Larsenzee. In de kontinentale marge, et diel van de oceaan dichtebi'j Antarktika, bin der vermoedelik grote eulie- en gasvelden.