Valdres er ei lokalavis for dalen Valdres. Valdres kjem ut tysdag, torsdag og laurdag. Avisa nyttar både nynorsk og bokmål.
Avisa vert utgjeven av selskapet Valdres Media AS (Tun Media-selskap) som ligg på Fagernes i Nord-Aurdal kommune i Oppland fylke. Den fyrste avisutgåva kom laurdag 14. mars 1903, tre dagar før selskapet formelt vart stifta.
Valdres hadde i 2000 over 3 300 abonnentar utanfor Valdres-regionen, årsaka til dette er at mange hytteeigarar les avisa, og at mange utflytte valdrisar held kontakten med heimstaden gjennom lokalavisa.