Det kostarikanske flagget

Det kostarikanske flagget er danna av vassrette striper i raudt, kvitt og blått. Tilhøvet mellom dei er 1:1:2:1:1, det vil seia at den raude midstripa er dobbelt så tjukk som dei omkransande kvite og blåe stripene. Fargane er inspirert av det franske flagget.

Det noverande flagget blei offisielt teke i bruk av Costa Rica den 27. november 1906. Stripeutforminga stammar likevel frå 1848, då Costa Rica etablerte seg som sjølvstendig republikk etter å ha vore med i Den mellomamerikanske føderasjonen. Pacífica Fernández, kona til president José María Castro Madriz, utforma både det nye flagget og det kostarikanske riksvåpenet.