Galway Bay

	Galway Bay
Land	Irland
	; Galway Bay; 53°12′00″N 9°14′00″W / 53.2°N 9.2333333333333°W
	Wikimedia Commons: Galway Bay

Galway Bay (irsk Loch Lurgain eller Cuan na Gaillimhe) er ei stor bukt på vestkysten av Irland, mellom County Galway i provinsen Connacht i nord og Burren i County Clare i provinsen Munster i sør. Galway ligg på nordaustsida av bukta. Ho er om lag 50 km lang og mellom 10 og 30 km brei. Oileáin Árann eller Aranøyane ligg i vest på tvers av inngangen og det er fleire småøyar i bukta. North Sound (Nordsundet) eller An Súnda ó Thuaidh ligg mellom Aranmore og Leitir Mealláin. Gregory's Sound (Gregorysundet) eller Súnda Ghríoghóra ligg mellom Aranmore og Inishmaan og vart tidlegare kalla Bealach na h-Áite. Foul Sound eller An Súnda Salach ligg mellom Inishmaan og Inisheer, og var tidlegare kalla Bealach na Fearbhaighe. South Sound (Sørsundet) eller An Súnda ó Theas, tidlegare kalla Bealach na Finnise ligg mellom Inisheer og County Clare.

Galway Bay er kjend for det unike, tradisjonelle seglskipet Galway Hooker (Galway-skute).