Joseph Henry

Joseph Henry
Fødd	17. desember 1797 Albany i New York
Død	13. mai 1878 Washington
Nasjonalitet	USA
Område	fysikk
Yrke	fysikar, universitetslærar, ingeniør, meteorolog, kunsthistorikar
Institusjonar	Princeton University Smithsonian Institution
Alma mater	The Albany Academy
Medlem	Deutsche Akademie der Naturforscher Leopoldina American Academy of Arts and Sciences Accademia Nazionale dei Lincei American Antiquarian Society National Academy of Sciences

Joseph Henry (17. desember 1797–13. mai 1878) var ein amerikansk fysikar.

Henry er særleg kjent for studium over elektromagnetisme og elektromagnetisk induksjon, som han utførte samstundes med Michael Faraday. I 1835 føreslo han å bruke elektromagnetar til elektrisk telegraf, og konstruerte i tilslutning til tidlegare arbeid av W. Sturgeon ein av dei første store elektromagnetane og ein elektromotor. Han arbeidde med problem i akustikken, meteorologien, signalisering i tåke og lyskjelder for fyrtårn.

Han var mellom anna professor ved Princeton University, og frå 1846 sekretær ved Smithsonian Institution. Henry har vidare hatt stor tyding som organisator av det amerikanske vitskapsakademiet (National Academy of Sciences) og American Association for the Advancement of Science.

Den elektriske måleininga henry er kalla opp etter han.