Karbontida

Karbon eller koltida er ein geologisk periode som strekkjer seg frå slutten av devon for om lag 359,2 ± 2,5 millionar år sidan til byrjinga av permtida for om lag 299,0 ± 0,8 millionar år sidan.^[1] Ho har namn etter dei store førekomstane av karbon som finst i form av steinkol i dei geologiske laga frå denne tida.^[2]

Karbontida var ei tid med isbredanning, lågt havnivå og fjelldanning då kontinent kolliderte og forma superkontinentet Pangea. Ei mindre utrydding av dyr i havet og på landjorda skjedde mot slutten av perioden som følgje av klimaendring.^[3]

1. ↑ «The Carboniferous Period», ucmp.berkeley.edu, henta 16. januar 2024 
2. ↑ Bryhni, Inge; Delsett, Lene Liebe (23. august 2023). «karbon – periode». Store norske leksikon (på norsk). 
3. ↑ Sahney, Benton & Falcon-Lang 2010.