Main

Main
elv
Main i Würzburg
Land	Tyskland
Nedslagsfelt	27 292 km²
Lengd	529 km
Middelvassføring	±200 m³/s
Kjelde	Oberfranken
Munning	Rhinen
Main 49°59′40″N 8°17′36″E / 49.994444444444°N 8.2933333333333°E / 49.994444444444; 8.2933333333333
Kart som viser Main i Tyskland
Wikimedia Commons: Main (river)

Main er ei stor elv i Bayern og Hessen i Tyskland, og ei av dei store sideelvane til Rhinen med ei lengd på 524 km (574 km inkludert Kvite Main). Ho renn gjennom Bayern og Hessen, men nokre kilometer dannar ho grensa mellom Bayern og Baden-Württemberg. Ho har eit nedslagsfelt på over 27 000 km², som grensar til Donau sitt nedslagsfelt. Denne grensa er derfor ein del av det europeiske vasskiljet.

Main har utspring nær Kulmbach, der dei to elvane Raude Main og Kvite Main renn i hop.^[1] Raude Main er den lengste av dei to med ei lengd på 50 km, og ho har sitt utspring i Frankisk Alb og renn gjennom Creussen og Bayreuth. Kvite Main har utspring i fjella Fichtelgebirge og er 41 km lang. Store sideelvar til Main er Regnitz, Fränkische Saale, Tauber og Nidda.

Den største byen langs Main er Frankfurt am Main. Frå kjelda renn Main gjennom følgjande byar og landsbyar: Burgkunstadt, Lichtenfels, Staffelstein, Eltmann, Haßfurt, Schweinfurt, Volkach, Kitzingen, Marktbreit, Ochsenfurt, Würzburg, Karlstadt, Gemünden, Lohr, Marktheidenfeld, Wertheim am Main, Miltenberg, Obernburg, Aschaffenburg, Seligenstadt, Hainburg, Hanau, Offenbach, Frankfurt, Hattersheim, Flörsheim og Rüsselsheim. Main munnar ut i Rhinen ovanfor Mainz i landkreis Wiesbaden (Mainz-Kostheim), og er då ei svært stor elv.

1. ↑ «Main River | Map, Tributaries, & Basin | Britannica», www.britannica.com (på engelsk), henta 12. september 2024