Foto: T. Bjørnstad
Ringerike prosti er eit tenestedistrikt i Tunsberg bispedømme i Den norske kyrkja. Det femner kommunane Jevnaker, Hole og Ringerike.
Prosten har sete i Hønefoss. Hønefoss kyrkje er prostikyrkje. Den gamle kyrkja brann ned til grunnen 25. januar 2010, ny kyrkje opna i 2017.
Prostiet er inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn. Fram til 2004 var prestetenesta lokalt organisert i prestegjeld.