Sevastopol

Sevastopol
Севастополь, Aqyar
by
Sevastopol
Flagg Våpenskjold
Land	Ukraina
Region	Krim
Rajon	Sevastopol kommune
Høgd	100 moh.
Koordinatar	44°36′0″N 33°31′48″E / 44.60000°N 33.53000°E / 44.60000; 33.53000
Areal	863,6 km²
Folketal	485 386 (2022)[1]
Grunnlagd	1783
Tidssone	MSK (UTC+4)
Postnummer	99000–99699
Retningsnummer	+380-692
Bilnummer	CH
Sevastopol 44°36′18″N 33°31′21″E / 44.605°N 33.5225°E / 44.605; 33.5225
Kart som viser Sevastopol.
Wikimedia Commons: Sevastopol

Sevastopol^[a] er ein by heilt sør på Krimhalvøya i Svartehavet. Både Ukraina og Russland har gjort krav på byen, sidan 2014 har han vore okkupert av Russland. Byen har i kring 485 386 innbyggjarar (2022).

Byen ligg strategisk til og har ei framifrå naturleg hamn i Severnajabukta. Han var tidlegare base for den sovjetiske svartehavsflåten og er i dag den største marinebasen i Ukraina. Den russiske svartehavsflåten har òg hovudbasen sin her, då Russland og Ukraina etter oppløysinga av Sovjetunionen inngjekk ein avtale som gav Russland rett til opphald på Sevastopol-basen. Avtalen gjeld til 2019.

Byen tek mot mange turistar. Mellom turistmåla er dei mange marine musea, og det store panoramaet som viser forsvaret av bastionen Malakov under Krimkrigen. Omgjevnadene rundt byen vert rekna for særleg naturskjønne. Fram til 1996 var Sevastopol ein lukka by. Blant andre næringar enn handel, transport og turisme, finn ein industri samt produksjon av matvarer. Folkesetnaden er i hovudsak russisk-språkleg.

Administrativt høyrer Sevastopol og omlandet til Sevastopol kommune, som administrativt er skild frå resten av den autonome republikken Krim. Kommunen er delt inn i fire rajonar. Ved sidan av byen Sevastopol omfattar kommunen tre byar; Balaklava, Inkerman og Katja og 29 landsbyar.

1. ↑ ^{1,0 1,1 1,2 1,3} https://www.citypopulation.de/en/ukraine/cities/.

Referansefeil: <ref>-merke finst for gruppenamnet «lower-alpha», men inkje samsvarande <references group="lower-alpha"/>-merke vart funne