Back Hudsonbaai AF ሀድሰን ባህረስላጤ AM خليج هدسون Arabic خليج هادسون ARZ Badea de Hudson AST Hudzon körfəzi AZ هودسون کؤرفزی AZB Гудзон ҡултығы BA Гудзонаў заліў BE Гадсанава затока BE-X-OLD
La baia d'Hudson (en anglés Hudson Bay, en francés Baie d'Hudson, en inuktitut Kangiqsualuk Ilua, en cree Wînipekw o Wînipâkw) se tròba al nòrd-èst de Canadà. Banha lo nòrd de las províncias d'Ontàrio, Quebèc, Manitòba e lo sud-èst de Nunavut. La baia d'Hudson forma una part de l'ocean Artic. Es connectada per l'èst amb l'ocean Atlantic per l'estrech d'Hudson, e pel nòrd amb la rèsta d'Artic pel canal de Foxe, qu'es pas considerat coma part de la baia. A l'extrèm sud-oriental se dobrís sus la baia de James. Totas las illas de la baia d'Hudson apertenon a Nunavut.
La baia es pauc prigonda e pr'amor de la seuna nauta latitud se congèla totalament durant almens sièis meses l'an. Per sas còstas, principalament en Manitòba, abita l'ors blanc, que se consacra a la caça sus la superfícia gelada; quand lo glaç se fond cap al mes de junh, los orses tornan per la còsta en esperar la nòva sason ivernala.
La baia foguèt nomenada aital en onor de Henry Hudson, que en 1610 l'explorèt a bòrd del vaissèl Discovery e que un an abans aviá batejat tanben lo flume Hudson dins l'estat de Nòva York.