Ocean Atlantic

Ocean Atlantic

Tipe	Ocean
Eponim	Atlàs
Part de	ocean mondial
Localizacion
Continent	Africa, Asia e Euròpa
Limitròf amb	Depression Betica Africa del Nòrd
Afluent	Una (ca) , Una River (Una, Bahia) (en) , Riu Amazonas
Donadas
Altitud	0 m
Prigondor	maximum: 8 605 m mejana: 3 646 m
Punt mai bas	Depression Milwaukee
Superfícia	106 460 000 km²
Dimensions	5 000 () km

L'ocean Atlantic,^[1] popularament la mar Gran(d)a,^[2] mar Major(a), mar del Ponent^[3] o encara lo Peugue, es un dels cinc oceans de la Tèrra. Es situat entre America a l'oèst e Euròpa e Africa a l'èst.

L'ocean Atlantic ocupa una conca alargada en forma d'S espandida del nòrd al sud e devesida en Atlantic nòrd e Atlantic sud pels corrents eqüatorials a una latitud de 8° nòrd. L'Atlantic es ligat a l'ocean Pacific per l'ocean Artic al nòrd e pel pas de Drake al sud, e tanben per un passatge artificial qu'es lo canal de Panamà entre l'America del Nòrd e l'America del Sud. A l'èst, la linha que dessepara l'Atlantic de l'ocean Indian es lo meridian 20° èst. L'Atlantic es despartit de l'ocean Artic per una linha que va de Groenlàndia fins al nòrd de Norvègia.

Cobrissent aproximativament 20% de la superficia terrèstra, l'ocean Atlantic es lo segond per òrdre d'importància aprèp l'ocean Pacific. Ambe las seunas mars adjacentas, ocupa una aira de 106 450 000 km², e sens elas 82 362 000 km². L'aira de tèrra que drena a l'Atlantic es quatre còps aquela del Pacific o de l'ocean Indian. Lo volum d'aiga es de 354 700 000 km³ ambe las seunas mars adjacentas e 323 600 000 km³ sens elas. La prigondor mejana es de 3926 m. La prigondor maximala es de 8605 m dins la fòssa de Puerto Rico.

L'ocean Atlantic a de còstas descopadas irregularas amb fòrça baias, golfes e mars:

-Mar Cariba -Mar Mediterranèa -Golf de Mexic -Mar Negra -Golf de Sant Laurenç -Mar del Nòrd -Baia d'Hudson -Mar Baltica -Baia de Baffin -Mar de Barents -Mar de Norvègia-Groenlàndia -Mar de Weddel

Una autra caracteristica es que lo seu nombre d'illas es pro redusit:

-Illas Svalbard o Spitsbergen -Groenlàndia -Islàndia -Fernando de Noronha -Açòres -Madèira -Canàrias -Cap Verd -Bermudas -Índias Occidentalas -Ascencion (illa) -Santa Elena -Tristan da Cunha -Falkland Malvinas -Georgia del Sud -Cariba

1. ↑ «Preconizacions del Conselh de la Lenga Occitana» (en occitan) p. 121.
2. ↑ «Atlantique» (en francés). Multidiccionari Occitan Dicodòc. Congrès permanent de la lenga occitana. [Consulta: 7 de genèr de 2024]
3. ↑ Reinat, Toscano. Diccionari de Lenga d'Òc d'après lo parlar niçard. Auba Novèla.