Back آل بوربون الإسبانية Arabic Іспанскія Бурбоны BE Casa de Borbó (Espanya) Catalan Bourbon-Anjou Czech Bourbon-Anjou German Οίκος των Βουρβόνων-Ισπανίας Greek House of Bourbon-Anjou English Casa de Borbón (España) Spanish Maison de Bourbon (Espagne) French Bourbon-Anjou Croatian
Lu Capustìpiti dê Burbona di Spagna fu Fulippu V, niputi di Luiggi XIV di Francia, ca, numinatu aredi ntô tistamentu di Carlu II, vinni pruclamatu re di Spagna lu 2 di uttùviru 1700 e, essennu la Sicilia sutta a la duminazzioni spagnola, fu macari, nzinu ô 1713, re dâ Sicilia; a chistu pirò ci vinni datu lu ricanuscimentu di l'àutri munarchìi eurupei sulu câ Guerra di succissioni spagnola e chê trattati di Utrecht e di Rastatt ca mittèvanu la palora fini a la accussì ditta guerra di succissioni spagnola (1701-1714); cû trattatu firmatu ntâ paci di Utrecht, avvinìa lu passaggiu dâ Sicilia dâ curona spagnola a Vittoriu Amedeu II di Savoia.
Li rignanti di sta famigghia, ca èppiru sulu a unu d'iddi riccu di pirsunalitati, zoè a Carlu III (1759-1788, già nzinu ô 1759 re di Nàpuli e di Sicilia cô nomu di Carlu di Burboni), attravirsaru pirìudi unni eranù misi assai malamenti; dui voti ci livaru lu tronu (1808 e 1868), àppiru affruntari guerri civili (guerri carlisti) e abbannunari la Spagna ntô 1931, ma senza ca pirderu li propi diritti. Nfatti li Burbona turnaru ô tronu cu Juan Carlos I, figghiu dû pritinnenti Giuvanni, ca, addisignatu ntô 1969 comu succissuri dû ginirali Franciscu Francu, addivintau re di Spagna ntô 1975.
.JPG){kind=small}