Badak heuay mangrupa salah sahiji suhunan imah tradisional di tatar Sunda, Jawa Barat. Suhunan imah badak heuay remen kapanggih di wewengkon Sukabumi, Jawa Barat. Suhunan ieu ogé remen dipikawanoh ku sabab katingali tina tampilanna nu ngirut mirip jeung badak nu keur calangap heuay[1]. Suhunan imah badak heuay ngagambarkeun konsép-konsép filosofis anu jero dina kabudayaan Sunda, hususna ti wewengkon Sukabumi, Jawa Barat. Istilah ieu lain ngan ukur nuduhkeun fisik jeung wangunan struktur tapi ogé ngawengku ajén-inajén spiritual jeung budaya nu diwakilan, némbongkeun jero tur kompleksitas budaya Sunda..
Sacara umum, wangun suhunan imah badak heuay mirip jeung suhunan imah tagog anjing, bedana mung dina widang suhunan tukangna. Suhunan imah badak heuay dijieun tina awi. Suhunan imah dirarancang kalawan sisi panjang nu miring ka tukang jeung sisi pondok ka hareup. Tuluy, umumna suhunan imah badak heuay miboga design suhunan nu luhur, nepi ka 0,5 - 1,8 meter, nu bisa nyadiakeun rohangan anu cukup pikeun sasatoan hirup jeung neundeun pakakas tatanén. Sanajan basajan, Imah Badak Heuay tetep jadi bagian penting masarakat Sukabumi jeung tetep jadi wangun utama perumahan di daérah dinya[2].
- ↑ Saputra, Mohammad Sahril Adhi; Satwikasari, Anggana Fitri (2019-12-09). "Kajian Arsitektur Tradisional Sunda Pada Desain Resort" (dalam bahasa id). PURWARUPA Jurnal Arsitektur 3 (4): 65–74. ISSN 2550-066X. https://jurnal.umj.ac.id/index.php/purwarupa/article/view/3991.
- ↑ Media, Kompas Cyber. "Imah Badak Heuay, Rumah Adat Jawa Barat". KOMPAS.com (dalam Indonesian). Diakses tanggal 2024-03-30.