Titani

Titani
Jina la Elementi	Titani
Alama	Ti
Namba atomia	22
Mfululizo safu	Metali
Uzani atomia	47.867
Valensi	2, 8, 10, 2
Ugumu (Mohs)	6.0
Kiwango cha kuyeyuka	1941 K (1668 °C)
Kiwango cha kuchemka	3560 K (3287 °C)
Asilimia za ganda la dunia	0.41 %
Hali maada	mango

Titani ni elementi na metali yenye namba atomia 22 na alama Ti katika mfumo radidia wa elementi. Ni elementi mpito inayotafutwa sana kwa sababu ni nyepesi na imara sana na haiathiriwi rahisi kikemia, yaani haishikwi na kutu.

Kwa hiyo inatumiwa kama sehemu za aloi za chumapua mbalimbali kwa mfano kwa eropleni au mashine zinazokusudiwa kwa kazi kwenye maji ya chumvi au baharini.

Huchimbwa hasa Australia, Skandinavia, Amerika ya Kaskazini, Malaysia na Afrika Kusini.

Barani Afrika imeanza kuchimbwa pia Kenya, Msumbiji na Sierra Leone. Katika nchi hizo makampuni yanayoichimba pamoja na serikali zimepingwa mara nyingi kwa sababu ya hatari kwa ajili ya mazingira kutokana na uchimbaji na usimamizi hafifu.