Kogon

Kogon
shahar
39°43′0″N 64°33′0″E / 39.71667°N 64.55000°E / 39.71667; 64.55000
Mamlakat	Oʻzbekiston
viloyat	Buxoro viloyati
Hukumat
• Hokimi	Hayot Hasanovich Davlatov[1]
Asos solingan	1888-yil
Avvalgi nomlari	Yangi Buxoro
Aholisi  (2023-yil)	63 800[2]
Vaqt mintaqasi	UTC+5
Telefon kodi	+998 65 524
Pochta indeks(lar)i	200700
Kogon

Kogon (1935-yilgacha Yangi Buxoro) — Oʻzbekiston Respublikasi Buxoro viloyatida oʻzining xoʻjalik-maʼmuriy potensiali jihatidan viloyat markazi boʻlmish Buxorodan keyingi ikkinchi yirik shahar. Buxorodan 12 kilometr janubi-sharqda, Buxoro — Qarshi avtomobil yoʻli yoqasida, Kanpir devor qoldiqlari ichkarisidagi obod yerda joylashgan.

Kogon tumanining maʼmuriy markazi. Kogon shahri va Kogon tumani hokimiyatlari shahar markazida yonma-yon joylashgan.

Temir yoʻl tuguni. Shaharda Buxoro viloyatining eng katta temir yoʻl stansiyasi va viloyatda yagona boʻlgan vokzal joylashgan.

Shahar 220 m balandlikdagi tekis yerda joylashgan. Yanvarning oʻrtacha temperaturasi —0,6°, iyulniki 29,6°. Yillik yogʻin 125 mm. Hargush kanalidan suv oladi. Maydoni 14,7 km². Aholisi 53,3 ming kishi (2002), asosan, oʻzbeklar, shuningdek, tojik, rus, tatar va boshqa millat vakillari ham yashaydi. Aholisining aksari qismi temir yoʻl transportida ishlaydi.

Shahar maydoni — 0,01 ming km2. Aholisi — 58,5 ming kishi (2015). Buxoro viloyati temir yoʻl vokzali shahar ichida va „Buxoro“ aeroporti shahardan 8 kilometr masofada joylashgan.

1929-yildan shahar maqomini Yangi Buxoro nomi bilan olgan. 1935-yil sharning nomi Kogonga oʻzgartirilgan.

1. ↑ Hayot Davlatov Kogon shahar hokimi etib tayinlandi
2. ↑ „Oʻzbekistonda aholisi soni eng kam boʻlgan shahar maʼlum qilindi“. Kun.uz (20-sentyabr 2021-yil). Qaraldi: 5-noyabr 2022-yil.