Back Лаго Албано Bulgarian Llac Albano Catalan Lago Albano (lanaw sa Italya) CEB Albanské jezero Czech Альбан кӳлли CV Albanosøen Danish Albaner See German Lake Albano English Albana Lago EO Lago Albano Spanish
't Meer van Albano (Italioans: Lago Albano ofte somstekêe ôok Lago di Castel Gandolfo genoemd) es e toamelyk klêen vulkoanisch kroatermeer in d'Alboanse Euvels in d'Italioansche regio Lazio. 't Ligt an de voet van de Monte Cavo, ip apeupri 20 kilomèiters van't center van Rome. Wa mêer o de zuudôostkantn dervan ligt 't klêendere Meer van Nemi. Round et meer liggn (mè de wyzers van de klokke mee) de gemêentn Castel Gandolfo, Marino, Rocca di Papa, Ariccia en Albano Laziale.
't Meer van Albano es 3,5 kilomèiters lank en 2,3 kilomèiters brêe; 't Eit en ippervlakte van 6 vierkante kilomèiters. 't Meer eit en diepte van 170 mèiters en es doamee 't diepste van hil Lazio. 't Meer van Albano es ounstoan deur't tôopevloei'n van twêe vulkoanische kroaters die ezo êen meer wierdn; Je kunt da nog zien deurda ter hil in't middn van meer e rif zit die bikkans 70 mèiters van den bodem uutstikt.