Nyl

De Nyl is e riviere in 't nôordôostn van Afrika die noa 't nôordn stroomt en uutmoendt in de Middellandsche Zêe. De Nyl is de langste riviere van Afrika en volgens sommigte zelfs van de weireld, alhoewel dat d' Amazoneriviere e bèetje langer zou zyn.

't Stroomgebied is oengeveer 6.650 km lank en besloat elf landn: de Democroatische Republiek Congo, Tanzania, Burundi, Rwanda, Oeganda, Kenia, Ethiopië, Eritrea, Zuud-Soedan, Republiek Soedan en Egypte.

De Nyl hèt twêe belangryke takken: de Witte Nyl en de Blauwe Nyl. De Witte Nyl is langer en oentspringt in 't gebied van de Grôte Meern. 't Begunt by 't Victoriameer en stroomt deur Oeganda en Zuud-Soedan. De Blauwe Nyl begunt by 't Tanameer in Ethiopië en moendt uut in Soedan vanuut 't zuudôostn. De twêe riviern kommen t'hope in Khartoum, den hoofdstad van Soedan. Van doar uut stroomt de Nyl in êen enkele beddienge voort noa 't noorden, toe in de Middellandsche Zêe. In Egypte passeert de Nyl langs bekende platsen lik Aswan, Luxor en den hoofdstad Caïro. Ten noorden van Caïro splitst de Nyl hem in verschillige oarms en vormt een delta.