Emiratos Arabes Unidos

Emiratos Arabes Unidos الإمارات العربية المتحدة (Inarabo) al-ʾImārāt al-ʿArabīyyah al-Muttaḥidah
Bandira Emblem
Awit: عيشي بلادي "Īšiy Bilādī" "Mabuhi an Akon Nasod"
Kahamutang han  Emiratos Arabes Unidos  (lunghaw) ha Rawis han Arabya  (busag)
Pamunuan	Abu Dhabi 24°28′N 54°22′E / 24.467°N 54.367°E / 24.467; 54.367
Gidako-i nga syudad	Dubai 25°15′N 55°18′E / 25.250°N 55.300°E / 25.250; 55.300
Opisyal nga mga pinulungan	Inarabo
Ethniko nga mga grupo (2015)[1]	11.6% Emirati 59.4% Salatan nga Asyano (38.2% Indyano, 9.4% Pakistani, 9.5% Bangladeshi) 10.2% Ehiptohanon 6.1% Filipino 12.8% Mga Iba
Relihiyon	Islam
(Mga) Tawag hin tawo	Emirati[1]
Kagamhanan	Federal nga elektivo nga monarkiya konstitusyonal[2]
• Mangulo	Khalifa bin Zayed Al Nahyan
• Primer Ministro	Mohammed bin Rashid Al Maktoum
• Speaker	Mohammad Al-Murr
Magbabalaod	Federal nga Nasodnon nga Konseho
Pagtukod tikang han Reino Unido ngan han Mga Estado hin Tregua
• Ras al-Khaimah	1708
• Sharjah	1727
• Abu Dhabi	1761
• Ajman	1816
• Dubai	1833
• Fujairah	1952
• Paglugaríng	2 Disyembre 1971
• Ginpasakob han Nasyones Unidas	9 Disyembre 1971
• Pag-api han Ras al-Khaimah han EAU	10 Pebrero 1972
Langyab
• Bug-os	83,600 km2 (32,300 sq mi) (ika-114)
• Katubigan (%)	diri dako hin pagkaiba
Kamolupyohan
• 2018 estimate	9,599,353[3] (ika-92)
• 2005 nga census	4,106,427
• Densidad	99/km2 (256.4/sq mi) (ika-110)
GDP (PPP)	2018 nga banabana
• Bug-os	$732.861 ka bilyon[4] (ika-32)
• Per capita	$70,262[4] (ika-7)
GDP (nominal)	2018 nga banabana
• Bug-os	$432.612 ka bilyon[4] (ika-28)
• Per capita	$41,476[4] (ika-19)
Gini (2008)	36 medium
HDI (2018)	▲ 0.866[5] hataas hin duro · ika-35
Salapi	UAE dirham (AED)
Zona hin oras	UTC+4 (GST)
Format hin pitsa	dd/mm/yyyy
Dapit hin pagmanehar	tuo
Kodigo hin pagtawag	+971
Internet TLD	.ae امارات.
Emiratos Arabes Unidos nga ganghaan

An Emiratos Arabes Unidos (EAU; Inarabo: الإمارات العربية المتحدة‎ al-ʾImārāt al-ʿArabīyyah al-Muttaḥidah; literal nga Winaray: Mga Emirato nga Arabo nga Naghiusa o kundi man Naghiusa nga mga Emirato nga Arabo; Kinatsila: Emiratos Árabes Unidos; Ininglis: United Arab Emirates o UAE) nga agsob tinatawag hin yano nga Emiratos (Inarabo: الإمارات‎ al-ʾImārāt; Ininglis: Emirates) usa nga nasod ha Katundan nga Asya ha dumagsaan nga dapit han Rawis han Arabya ha Gulfo han Persia, nga nasapit han Oman ha sidlangan ngan han Saudi Arabia ha salatan ngan ha katundan, ngan nagsasaro gihapon hin mga katubtuban ha kalawdan upod han Qatar ha katundan ngan han Iran ha amihan. An soberano nga monarkiya nga konstitusyonal usá nga federasyon hin pitó nga mga emirato nga amo an Abu Dhabi (nga nasirbe nga pamunuan), Ajman, Dubai, Fujairah, Ras Al Khaimah, Sharjah ngan Umm Al Quwain. Komplikado it ira mga linea, nga mayda damulaay nga mga enclave ha sakob han mga dirudilain nga mga emirato.^[6] An tagsa emirato gindudumara hin usá nga namumuno; iní hirá, nagkakaurusa hin paghimo han Federal nga Supremo nga Konseho. Usá hit mga namumuno amo iton Mangulo han Emiratos Arabes Unidos.^[7] Han 2013, an kamolupyohan han EAU mga 9.2 ka milyon, nga diin 1.4 ka milyon hiní mga Emirati nga bungtohanon ngan 7.8 ka milyon taga-langyaw.^[8][9][10]

An pag-okupar han yana nga EAU masusubay ngadto hin paggawas hin mga tawo nga sumala hin mga experto tikang daw ha Aprika han mga 125,000 UC pinaagi hin mga nabilngan ha Faya-1 nga sityo ha Mleiha, Sharjah. Mga lubnganan nga natikang han Neolitiko nga Panahon ngan han Bronse nga Panahon naglalakip han gima-ihai nga nasabtan nga lugar ha Jebel Buhais. Kilalado iní nga lugar nga Magan ha mga Sumernon, an lugar amo an urukyan hin riko nga kultura hin pannegosyo ha Panahon han Bronse dida han Umm Al Nar nga panahon, nga nagnegosyo han Siong han Indus, Bahrain ngan han Mesopotamia pati gihapon han Iran, Bactria ngan han Levante. An sinmunod nga panahon han Wadi Suq ngan tulo nga mga Panahon hin Puthaw nagdangat han paggawas hin pagka-nomad ngan han pagpadukwag hin pagdumara hin panubig ngan mga sistema hin pagdilig nga nagsuporta hin panimungto hin katawhan ha baybayon ngan ha súlod. An Islamico nga panahon han EAU natikang han pagpaiwas han mga Sasasnyo ngan han sinmunod nga Pag-awayan han Dibba. An maiha nga kaagi hin pagnegosyo nagdangat han paggawas han Julfar, ha yana nga emirato han Ras Al Khaimah, nga usá nga dako nga sentro hin pannegosyo ngan pannagat dida hiní nga lugar. An pagkadominante ha Gulfo han Persya han mga Emirati nga negosyante nagdangat hin pagkadilito ha mga Europeo nga gahom, nga diin upod dinhi an Imperyo Portuges ngan an Imperyo Britaniko.

Sunod hin mga dekada hin pag-away ha kadagatan, an mga emirato ha baybayon nakilalado nga Mga Estado hin Tregua ha pagpirma hin Perpetual nga Kasabotan hin Kamurayaw ha Kadagatan upod han mga British han 1819 (ginratipikar han 1853 nga hin utro dida han 1892), nga nagtukod han Mga Estado hin Tregua komo usá nga British nga Protektorado. Iní nga kasabotan nag-undang han paglugaríng ngan han pagtukod han Emiratos Arabes Unidos han 2 Disyembre 1971, nga diritso nagsunod han pagbiya han British tikang han ira mga obligasyon han kasabotan. Unom nga mga emirato inmapi han EAU han 1971, an ikapitó, an Ras Al Khaimah, inmapi han federasyon han 10 Pebrero 1972.^[11]

Islam an opisyal nga relihiyon ngan Inarabo an opisyal nga yinaknan han EAU. An mga reserba hin lana han EAU amo an ika-unom-nga-gidako-i ha kalibotan samtang an mga reserba hiní hin natural gas amo an ika-pito-nga-gidako-i han kalibotan.^[12][13] Hi Sheikh Zayed, an namumuno han Abu Dhabi ngan syahan nga Mangulo han EAU, nagdumara han pagpadukwag han Emiratos ngan ginpadalagan an mga ganansya tikang han lana ngadto hin healthcare, edukasyon ngan infrastruktura.^[14] An ekonomiya han EAU amo an pinaka-diversified ha Gulf Cooperation Council, samtang an Dubai nga amo an syudad nga gidamo-i hin molupyo, usá nga importante nga global nga syudad ngan usá nga hub hin internasyonal nga aviation ngan maritime trade.^[15][16] Sugad man, an nasod diri gud dako an pagdapig ha lana ngan gas ha yana kaysa han mga naglabay nga mga katuigan ngan ha ekonomiya nag-atupag ha turismo ngan negosyo. Diri nagsusukot an kagamhanan han EAU hin buwis han income bisan pa man kun mayda sistema hin corporate nga buwis nga nahatukod ngan Value Added Tax ha 5% ginbutang dida han 2018.^[17]

1. ↑ ^{1.0 1.1} "United Arab Emirates". CIA World Factbook. Ginhipos tikang han orihinal han 2018-12-24. Ginkuhà 2020-04-12.
2. ↑ "United Arab Emirates Constitution". UAE Ministry of Justice. Ginkuhà 10 Oktubre 2018.
3. ↑ "United Arab Emirates Population (2018)". www.worldometers.info.
4. ↑ ^{4.0 4.1 4.2 4.3} "United Arab Emirates". International Monetary Fund.
5. ↑ "Human Development Report 2019" (ha English). United Nations Development Programme. 10 Disyembre 2019. Ginhipos tikang han orihinal (PDF) han 10 Mayo 2020. Ginkuhà 10 Disyembre 2019.
6. ↑ "The Federal Boundaries of the United Arab Emirates" (PDF).
7. ↑ "United Arab Emirates's Constitution of 1971 with Amendments through 2004" (PDF). constituteproject.org. Ginkuhà 29 Oktubre 2017.
8. ↑ Habboush, Mahmoud. (10 Oktubre 2013) Call to naturalise some expats stirs anxiety in the UAE Ginhipos 2014-07-14 han Wayback Machine. Uk.reuters.com. Ginkuhà 10 Oktubre 2015.
9. ↑ "Labor Migration in the United Arab Emirates: Challenges and Responses". migrationpolicy.org. 18 Septyembre 2013. Ginkuhà 12 Pebrero 2016.
10. ↑ "United Arab Emirates country profile". BBC News. 28 Septyembre 2016. Ginkuhà 23 Oktubre 2016.
11. ↑ Heard-Bey, Frauke (2004). From Trucial States to United Arab Emirates. Motivate. p. 370. ISBN 9781860631672. 
12. ↑ "Production of Crude Oil including Lease Condensate 2016" (CVS download). U.S. Energy Information Administration. Ginkuhà 27 Mayo 2017.
13. ↑ U.S. Energy Information Administration, International Energy Statistics, ginkúhà 17 Enero 2019.
14. ↑ "United Arab Emirates profile". BBC News. 14 Nobyembre 2012.
15. ↑ Iyer, Srinivasan (30 Disyembre 2014). "Dubai International is world's busiest airport". The National. Ginkuhà 4 Enero 2015.
16. ↑ "IMF Data Mapper". Imf.org. Ginkuhà 12 Pebrero 2016.
17. ↑ Augustine, Babu Das (1 Enero 2018). "New era in UAE as VAT takes effect". GulfNews. Ginkuhà 12 Hulyo 2018.