Back Токио AB Tokyô ACE Токио ADY Tokio AF Tokio ALS ቶክዮ AM Tokio AN Geddoburg ANG टोक्यो ANP طوكيو Arabic

Tokyo

Tokyo

東京
Metropolis
東京都 · Tokyo Metropolis
Tikang ha igbaw nga wala: Shinjuku, Tokyo Tower, Rainbow Bridge, Shibuya, National Diet Building
Opisyal nga selyo han Tokyo
Selyo		Opisyal nga logo han Tokyo
Lokasyon han Tokyo ha sulod han Hapon
Lokasyon han Tokyo ha sulod han Hapon
Nasod Hapon

An Tokyo (Pinulongan Hapon: [toːkjoː] ( pamati-a), English: /ˈtoʊki.oʊ/), opisyal nga ngaran Tokyo Metropolis,[1] amo an kapital han Hapon ngan usa han iya 47 ka mga prefektura.[2] An Greater Tokyo Area an may gidadamoi nga tawo nga lugar metropolitano han kalibutan.[3] Dinhi nalingkod an Emperador han Hapon ngan an pamunuan Hapon. Sakop ini han rehiyon Kantō ha salatan-sinirangan nga bahin han panguna nga isla Honshu ngan ginlalakipan an Kapuropod-an Izu ngan Kapuropod-an Ogasawara.[4] Anay gintawag nga Edo, nagin de facto nga lingkuran han gobyerno tikang han tuig 1603 han hi Shogun Tokugawa Ieyasu in ginhimo ini nga syudad iya ulobuhatan. Nagin opisyal nga kapital katima la hi Emperador Meiji binalhin an iya lingkuran pakadto hini nga syudad tikang an daan nga kapital nga Kyoto han tuig 1868; ngan ini nga panahon an Edo in gin-utro pagngarana nga Tokyo. An Tokyo Metropolis in natukod han tuig 1943 tikang ha pagtampo han anay Prefektura Tokyo (東京府 Tōkyō-fu) ngan an syudad han Tokyo (東京市 Tōkyō-shi).

An Tokyo bisan agsob tinutodlok komo usa ka syudad, in opisyal nga kilala ngan pinamumunuan komo usa ka "prefektura metropolitana", nga naiiba ngan gintampo an mga elemento han usa ka syudad ngan usa ka prefektura, usa ka gahom nga para gud la ha Tokyo. An pamunuan metropolitano han Tokyo in nagdudumara hin 23 ka mga Pinaurog nga Ward han Tokyo (tagsa tagsa nga pinamumunuan komo usa ka indibiduwal nga syudad), nga sakop han lugar han anay syudad han Tokyo san-o ini igintampo ngan nagin prefektura metropolitana han 1943. An pamunuan metropolitano in nagdudumara liwat han 38 ka mga munisipyo ha katundan nga dapit han prefektura ngan han duduha nga kapurupod-an. May-ada 9 ka milyon katawo an mga pinaurog nga ward, ngan may-ada populasyon nga lapos hin 13 milyones an prefektura. An prefektura in lakip han kanan kalibutan may gidadamoi katawo nga lugar metropolitano nga may-ada 37.8 milyones katawo ngan ini an kanan kalibutan gidadakoi nga ekonomiya agglomerasyon urbano. Liman-an kat usa (51) han kanan Fortune Global 500 nga mga kompanya in nakabase dinhi, an pinakahitaas han bisan diin nga syudad han kalibutan.[5] An Tokyo in ikatulo han International Financial Centres Development IndexEdit. Ini nga syudad amo liwat an panimalay han pipira ka mga telebisyon network sugad han Fuji TV, Tokyo MX, TV Tokyo, TV Asahi, Nippon Television, NHK ngan an Tokyo Broadcasting System.

An Tokyo in nangunguna han Global Economic Power Index ngan ika-upat ha Global Cities Index. Ini nga syudad senisiring nga usa ka alpha+ world city – ha lista han kanan Globalization and World Cities Research Network 2008 nga imbentaryo[6] - ngan han tuig 2014, an Tokyo in numero uno han "Best overall experience" nga kategorya han kanan TripAdvisor World City Survey (an syudad nangunguna liwat ha masunod nga mga kategorya: "pagigin mabulignon han mga mulupyo", "kinabuhi ha gab-i", "shopping", "lokal nga panakayan panpubliko" ngan "kalimpyohan han kakalsadahan").[7] Han tuig 2015, an Tokyo an nakatala ha ika-11 han pinakamahal nga syudad para han mga nangungukoy nga dayu, sumala han Mercer consulting firm,[8] ngan ika-11 liwat han kanan kalibutan pinakamahal it papliton nga syudad, sumala han kanan Economist Intelligence Unit cost-of-living survey.[9] Han tuig 2015, an Tokyo in ginngaranan nga Most Liveable City han kalibutan han magasin nga Monocle.[10] Ginpasidunggan liwat han Michelin Guide an Tokyo hin pinakadamo nga bituon Michelin ha bisan diin nga syudad han kalibutan.[11][12] An Tokyo nangunguna ha kalibutan ha Safe Cities Index.[13] Ikatulo nga pinakamaupay nga syudad ha kalibutan para han mag-aaram ha Unibersidad an Tokyo han 2016 nga edisyon han QS Best Student Cities.[14] An Tokyo nagdumara han 1964 Olimpiko han Katsirak, an 1979 G-7 summit, an 1986 G-7 summit, an 1993 G-7 summit, ngan magdudumara han 2020 Olimpiko han Katsirak ngan 2020 Paralympiko han Katsirak.

  1. ↑ "Geography of Tokyo". Tokyo Metropolitan Government. Missing or empty |url= (help)
  2. ↑ "Japan's Local Government System". Tokyo Metropolitan Government. Ginhipos tikang han orihinal han 11 Agosto 2013. Ginkuhà 5 Agosto 2013.
  3. ↑ "World Urbanization Prospects: The 2014 Revision Population Database". United Nations. Ginkuhà 10 Agosto 2014.[dead link]
  4. ↑ Nussbaum, Louis-Frédéric. (2005). "Tōkyō" in Japan Encyclopedia, pp. 981–982, p. 981, ha Google Books; "Kantō" in p. 479, p. 479, ha Google Books
  5. ↑ Fortune. "Global Fortune 500 by countries: Japan". CNN. Ginkuhà 22 Hulyo 2011.
  6. ↑ "GaWC – The World According to GaWC 2008". Lboro.ac.uk. 13 Abril 2010. Ginhipos tikang han orihinal han 2016-08-11. Ginkuhà 29 Oktubre 2010.
  7. ↑ "Tokyo Tops Among Global Travelers, According To TripAdvisor World City Survey". TripAdvisor. TripAdvisor LLC. 20 Mayo 2014. Ginkuhà 1 Septyembre 2014.
  8. ↑ "2015 Cost of Living Rankings". Mercer. Mercer LLC. 17 Hunyo 2015. Ginkuhà 17 Oktubre 2015.
  9. ↑ "Uptown top ranking". The Economist. 17 Hunyo 2015. Ginkuhà 17 Oktubre 2015.
  10. ↑ "The Monocle Quality of Life Survey 2015 – Film". Ginhipos tikang han orihinal han 2015-08-14. Ginkuhà 2017-02-10.
  11. ↑ (Pinulongan Hapon) "「ミシュランガイド東京・横浜・鎌倉2011」を発行　三つ星が14軒、二つ星が54軒、一つ星が198軒に", Michelin Japan, 24 Nobyembre 2010.
  12. ↑ "Tokyo is Michelin's biggest star". The Times. 20 Nobyembre 2007. Ginhipos tikang han orihinal han 2011-10-12. Ginkuhà 2017-02-10.
  13. ↑ "Safe Cities Index 2015 Infographic – NEC: Safe Cities". 7 Enero 2015. Ginhipos tikang han orihinal han 31 Oktubre 2015. Ginkuhà 10 Pebrero 2017.
  14. ↑ "QS Best Student Cities 2016". Top Universities.

Tokyo

Dodaje.pl - Ogłoszenia lokalne