Back Pentomino AZ Pentòmino Catalan Pentomino Czech Pentomino German Pentomino English Pentominó Spanish Pentamino EU Pentomino French Pentomino Croatian Pentominó Hungarian
En matematiko, 5-kvadrato estas plurkvadrato de ordo 5, kio estas plurlatero en la ebeno el 5 egale ampleksaj kvadratoj koneksaj je latero al latero. Se turnadoj kaj reflektoj estas ne konsiderataj kiel generantaj malsamajn formojn, estas 12 malsamaj liberaj 5-kvadratoj. Se reflektoj estas konsiderataj kiel malsamaj, estas 18 unuflankaj 5-kvadratoj. Se ankaŭ turnoj estas konsiderataj kiel malsamaj, estas 63 fiksitaj 5-kvadratoj.
La 12 malsamaj liberaj 5-kvadratoj estas ofte nomataj per literoj de la latina alfabeto al kiuj ili estas proksimume similaj.
La F, L, N, P, Y, Z 5-kvadratoj estas nememspegulsimetria en du dimensioj; aldono de iliaj reflektoj F', J, N', Q, Y', S donas la 18 unuflankajn 5-kvadratojn. La ceteraj I, T, U, V, W, X, estas ekvivalentaj al iuj turnadoj de siaj spegulaj bildoj.
Ĉiu el la 12 5-kvadratoj povas kaheli ebenon. Aldone, ĉiu nememspegulsimetria 5-kvadrato povas kaheli ebenon sen uzo de ĝia reflekto.
John Horton Conway proponis la alian varianton de simboloj por 5-kvadratoj. Li uzas O anstataŭ I, Q anstataŭ L, R anstataŭ F, kaj S anstataŭ N. La simileco al la literoj estas pli malgranda (plej rimarkinde por la "O" kun rekta streko), sed ĉi tiu varianto havas la avantaĝon ke ĝi uzas 12 najbaran literoj de latina alfabeto. Ĉi tiu projekto estas uzata kun ludo de vivo de Conway.