Abidjan

An Abidjan iyo an sentro ekonomiko asin dating opisyal na kabesera kan sub-Saharang Aprikanong nasyon nin Cote d'Ivoire (an kabesera ngonyan iyo an Yamoussoukro). Ngonyan ini an pinakadakulang siyudad sa nasyon asin ika-apat na nagtataram nin Pranses na siyudad sa kinaban, sunod sa Paris, Kinshasa, asin Montreal. Susog sa mga otoridad kan banwang ini, igwa ini nin 5,068,858 na mga residente sa enterong kahiwasan kaini asin sa pinakasentro kan munisipyo igwa siya nin 3,796,677 na mga residente.

Nasasabi na an Lagos , an dating kabesera kan Nigeria, iyo sana an may haros katumbas na populasyon sa rona. Konsideradong kapo'ngalan nin kultura kan Aprikang Solnopan, an Abidjan ipinapaheling an halangkaw na lebel nin industrialisasyon asin urbanisasyon. An siyudad napamugtak sa may Sabang kan Ebrie kun saen nagsasarapong an mga peninsula asin mga isla na nagkasurumpay huli sa mga tulay.

An siyudad orog na nagtalubo kan matogdok an bagong pantalan kan 1931 asin kan ini magin kabesera kan 1933 kaining dating kolonya kan mga Pranses. Si pagkahaman kan Vridi Canal kan 1951 iyo an nagin dalan sa pagtaas sa importansya niya bilang puerto kan dagat. Taon 1983, an Yamoussoukro napili nang kabesera alagad yaon pa man giraray an kadakulan kan mga embahada asin mga oipisina nin gobyerno igdi sa Abidjan.