Avokado

Avokado
Avokadovrugte en -blare, Réunion
Ryp avokadopeer en dwarssnit
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Plantae
Filum:	Angiosperms
Klas:	Magnoliids
Orde:	Laurales
Familie:	Lauraceae
Genus:	Persea
Spesie:	P. americana
Binomiale naam
Persea americana Mill.
Sinonieme
Persea gratissima

Die avokado (Persea americana) is 'n boom inheems aan Meksiko en Sentraal-Amerika,^[1] en behoort tot die familie Lauraceae in die klas bedeksadiges, saam met kaneel, kamfer en lourier.

'n Avokadopeer is 'n vrug met 'n groen skil en vlesige lyf wat peervormig, eiervormig, of rond kan wees. Dit is afkomstig van 'n tropiese plant bekend as 'n avokadoboom (Persea americana). Teen die tyd dat die avokadopeer ryp geword het, het die skil waarskynlik na donkerbruin of selfs swart verkleur.

Top sewe avokadoproduserende lande in 2020

Land	Produksie (ton)
Meksiko	2 390 000
Kolombië	880 000
Dominikaanse Republiek	680 000
Peru	660 000
Indonesië	610 000
Kenia	320 000
Brasilië	270 000
Suid-Afrika (18de)	90 200
Wêreld	8 060 000

Bron: FAOSTAT van die Verenigde Nasies^[2]

Sover bekend is avokado's die rykste bron van fitosterole in vrugte.^[3] Fitosterole is natuurlike plantverbindings in die triterpeenfamilie wat struktureel met cholesterol vergelykbaar is, en bekend is vir cholesterolverlagende, anti-inflammatoriese en antioksidante eienskappe, benewens voordele vir die immuunstelsel.^[4] Avokado's bevat ongeveer 26 mg fitosterole per 30 g, of 57 mg per halwe vrug.^[5] Fitosterole is vetoplosbare stowwe wat feitlik afwesig is in ander vrugte wat tipies min plantvette bevat, maar is wel algemeen aanwesig in verskillende neute en sade, byvoorbeeld sesam-, vlas-, pampoen- en sonneblomsaad, benewens pistagio, tahini, amandels en amandelbotter.

1. ↑ Chen, H.; Morrell, P. L.; Ashworth, V. E. T. M.; De La Cruz, M.; Clegg, M. T. (2008). "Tracing the Geographic Origins of Major Avocado Cultivars". Journal of Heredity. 100 (1): 56–65. doi:10.1093/jhered/esn068. PMID 18779226.
2. ↑ "Crops/World regions/Production quantity of avocados for 2019". FAOSTAT. 2020. Besoek op 5 Februarie 2021.
3. ↑ Duester, 2001
4. ↑ Phytosterols in Human Nutrition, Scholarly Community Encyclopedia
5. ↑ USDA, 2011