Baoven-Slinge

De Baoven-Slinge (Nederlands: Boven-Slinge) is ne baeke dee bi-j Wenters Nederland binnen kump. De baeke löp zudelek langs Wenters en slingert zich letterlek nen weg deur ut Achterhookse landskap. In westeleke richting streumt de baeke lengs Miste naor Breevoort, Aalten en Vasseveld en kump ten slotte bi-j Westendarp in de Bielheimerbekke uut.

De Baaven-Slinge hef neet altied dezelfden löp ehad. Zo streumden de bekke vrogger deur de grachte van de veste Breevoort. Later hebt z'um verlegd naor et oosten van Breevoort. In de 20e eeuwe is zee, net as de Grolsen Slinge, grotendeels kanaliseerd um afwatering te verbetteren en aoverstromingen oet de weg te gaon.