Bordeaux

Bordeaux
Kaart	Wapen
	Vlag
Land	Frankryk
Région (gewes)	Nieu-Akwitanië
Département	Gironde
Koördinate	44°50′N 0°35′W / 44.833°N 0.583°W / 44.833; -0.583
Stigting	3de eeu v.C.
Oppervlakte:
- Totaal	49,36 vk km
Hoogte bo seevlak	1–42 m
Bevolking:
- Totaal (2019)	260 958
- Bevolkingsdigtheid	5 300/vk km
- Metropolitaanse gebied	1 363 711
Tydsone	UTC +1 (MET)
- Somertyd	UTC +2 (MEST)
Burgemeester	Pierre Hurmic (EELV)
Amptelike webwerf	bordeaux.fr

Bordeaux (Frans: [bɔʁˈdo], luister (hulp·inligting); Oksitaans-Gaskons: Bordèu, [buɾˈðɛw]; Baskies: Bordele) is 'n hawestad in die suidweste van Frankryk met 'n bevolking van 254 436 (in 2017). Bordeaux is die administratiewe hoofstad van die région (gewes) Nieu-Akwitanië en die département Gironde en die sentrum van die metropolitaanse gebied Arcachon-Bordeaux-Libourne met 'n totale bevolking van 1,25 miljoen. Die inwoners word in Frans Bordelais genoem. Bordeaux is die grootste stad in die département Gironde, die région Akwitanië en die negende grootste in Frankryk. Die stedelike agglomerasie van Bordeaux is die sesde grootste in die land.

Bordeaux is bekend vir sy voortreflike kos en wyn^[2] en speel 'n belangrike rol in die internasionale wynboubedryf en -handel as lid van die Great Wine Capitals Global Network. Wynskoue soos Vinexpo en Semaine des primeurs lok deskundiges uit alle wêrelddele. Danksy die plaaslike wingerde het Bordeaux reeds in die Middeleeue, maar veral vanaf sy "goue tydperk" in die 18de eeu internasionale bekendheid verwerf. As die hoofstad van die voormalige provinsie Guyenne (wat grootliks met die huidige gewes Akwitanië ooreenkom) het Bordeaux deel uitgemaak van Gascogne. Die stad is teen die rand van die landskap Landes de Gascogne geleë.

Bordeaux se Lune-hawe is deur Unesco in Junie 2007 as wêrelderfenisgebied gelys.

1. ↑ (fr) "La Cité du Vin" (PDF). 24 Oktober 2017. Geargiveer vanaf die oorspronklike (PDF) op 11 Oktober 2020. Besoek op 6 Oktober 2020.
2. ↑ HAT Taal-en-feitegids, Pearson, Desember 2013, ISBN 978-1-77578-243-8