Charra

Iste articlo tracta sobre as charras, que son recipients. Ta atros usos d'a parola charra se veiga charra (desambigación).

Una charra^[1] (de l'arabe hispanico <ğárra, dende l'arabe cheneral <ğárrah^[2]) ye un tipo de recipient especialment construito ta contener y transportar liquidos, dende cantidaz muy chicotetas dica de uns cuantos litros.

Tienen a base plana y s'aguantan de piet, un cuerpo mas u menos prolargato, con una pancha pronunciada en a metat inferior y una cintura que, tipicament, se fa mas estreita antes de tornar a ubrir-se en un cuello mas u menos largo que remata en una boca, por aon se fa verter o liquido de l'interior a conveniencia de l'usuario. Pueden tener un tape u no tener-ne, y normalment tienen una ansa u dos.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (es) Voz «jarra» en a edición en-linia d'o Diccionario de la Real Academia Española.