Dagr

Dagr ("día",^[1] en escandinavo moderno: Dag, en islandés moderno: Dagur) era, na mitoloxía nórdica, o deus do día, fillo de Delling (deus do crepúsculo) e Nótt (deusa da noite). Dagr, cruza a través do unha carruaxe empuxada por un cabalo chamado Skinfaxi. A melena de Skinfaxi alumea o ceo e a terra polo día. O cabalo equivalente de Nott, Hrimfaxi, alumea a noite.

Aparece na Edda poética, compilada no século XIII a partir de fontes tradicionais anteriores, e na Edda prosaica, escrita no século XIII por Snorri Sturluson. En ambas as fontes, indícase que Dagr é o fillo do deus Delling e está asociado co cabalo de crin brillante Skinfaxi, que "debuxa o día á humanidade". Dependendo da variación do manuscrito, a Edda prosaica engade que Dagr é o fillo de Nótt, a noite personificada, ou Jörð, a terra personificada. En caso contrario, Dagr aparece como un substantivo común que significa simplemente "día" nas obras do nórdico antigo. Propuxéronse conexións entre Dagr e outras figuras de nome similar na mitoloxía xermánica.

1. ↑ Lindow, John (2001). Norse Mythology: A Guide to the Gods, Heroes, Rituals, and Beliefs. Oxford University Press. ISBN 0-19-515382-0.